Den første veka i det nye året er snart over. Nokre millionar inntrykk og ei rekke opplevingar rikare går me no inn for landing av den første arbeidsveka. Nokre er framleis på "bli-kjend-tur", medan andre i skrivande stund vert betre kjende under kanonballturneringa som føregår i gymnastikksalen. Det har vore ei fin veke med mykje å fortelja om: fjellturar, kajakkturar, vitjing heime hjå personalet, opningsdag med misjonsprosjektinnsamling. Etter kvart som me får samla inn bilete frå dei forskjellige turane vil desse verta publiserte her på heimesida. Fram til då får de nøya dykk med nokre bilete frå blikjentrebusen førre laurdag.