– Det var svært uventa, litt rart og veldig kjekt, seier han.

Singelstad drog frå Framnes for ei veke sidan, etter eit halvt  år som idrettslærar. Planen er å spela for Sogndal sitt 2. lag medan han studerer på Høgskulen i Sogn og fjordane.

– Å få spela desse minuttane på A-laget betyr mykje for meg. Det viktigaste er at eg fekk vist for meg sjølv at klarar å halda roen og spela fotball slik eg pleier. Det er ei god oppleving på dette nivået. Eg har brote ein barriere og kjenner meg tryggare, seier fotballspelaren. Sogndal vann treningskampen 4-1.

Singelstad var russ på Framnes KVGS i fjor. Han har også spela på Norheimsund dei siste åra.