oppstart2015
Vel overstått sommar og hjarteleg velkomne til skulestart og nytt skuleår! Oppstartshelga nærmar seg med stormsteg. Laurdag 15. august møtest me på Framnes-halvøya. Gamle elevar, nye elevar, føresette, lærarar og medarbeidarar i personalet. Dette vert kjekt!
(Arkivfoto frå oppstartshelga 2014)

Her er programmet for dagen:

08.30-09.30:    Frukost (fleksi)

09.30-12.00:    Innkvartering fram til opningssamlinga (Innkvarteringa held fram frå kl.         13.00.)

09.30-11.50:     Startsamtale for nye elevar og føresette (Innkalling kjem i posten)

12.00-13.00:    Opningssamling i gymsalen

13.05-14.05:    Klassesamlingar (Val av foreldrerådsrepresentant)

14.10-14.30:    Faddermøte for nye elevar i auditoriet

14.00-15.30:    Middag (fleksi) for elevar, føresette og tilsette

15.15-16.00:    Samling i gymsalen for nye elevar og føresette

16.00-16.30:    Samling i gymsalen for VG2-VG3 elevar som skal på Hellastur

16.00-17.00:    Foreldrerådsmøte, rom 4. (Ein foreldrerådsrepresentant frå kvar klasse)

16.00-18.00:    Basar i peisestova. Misjonsprosjektet.

16.00-19.00:    Startsamtale for nye elevar og føresette (Innkalling kjem i posten)

18.30-19.30:    Kveldsmat (fleksi) for elevar, føresette og tilsette

20.00:    Bli-kjent-samling for elevane. Viss veret er fint, vert det grilling i etterkant av samlinga.

01.00:        Inn på internata.

02.00:        Inn på eigne rom
for å sova.

Tilsyn:    Odd Inge Austevoll, Øystein Mongstad
001sommaravslutning
Fredag 19. juni inviterte skuleleiinga heile personalet til sommaravslutning og god lunsj på Thon Sandven hotell i Norheimsund. Det vart eit godt måltid, hyggeleg samvær, gode ord og vemodig avskjed med trufaste medarbeidarar.
GOD SOMMAR!

Foto: Lars A. Oma
002sommaravslutning
003sommaravslutning
004sommaravslutning
005sommaravslutning
006sommaravslutning
007sommaravslutning
009sommaravslutning
forside
Elevstemnet 2015 gjekk av stabelen helga 19.-21. juni, i strålande sol (som det ikkje har vore for mykje av i sommar).
Det var 189 påmelde jubilantar. Som vanleg var det 50-årskullet det var mest av, med 45 stk. Men i år var det to andre store grupper med 44 stk. 5-årsjubilantar og 42 stk. 40-årsjubilantar. Vidare var det 23 stk. 30-årsjubilantar, 14 stk. 60-årsjubilantar, 13 stk. 55-årsjubilantar og 7 stk. 20-årsjubilantar. Av 10-årsjubilantar var det berre 1 som stilte, og det var vår alles kjære Alf Magne Tveitnes.

Mange kom på fredagskvelden. Sola varma, og gjensynsgleda var stor. På laurdag føremiddag kom resten. Kl. 14.30 var det jubilantsamlingar, der kvart kull fekk kvart sitt rom. Ut frå «støynivået» høyrdes det ut som at det var mykje å prate om sidan sist dei hadde vore saman. Kl. 18 var det festmiddag i matsalen, og festen fortsatte etterpå i gymsalen. Leiaren i elevlaget, Per Helleve, leia middagen og festen på ein god og humoristisk måte. Audun Mosevoll (50-årsjubilant) hadde festtalen, og 5-årsjubilantane Linn Borgny Røen og Vigdis Oskarsdottir song vakkert, akkompagnert av Ole Henrik Flekstad Vik på flygel.

Søndag var det først årsmøte: Per Helleve vart vald som leiar i 2 nye år. Øystein Mongstad og Atle Jansen vart vald i 2013 for 4 år, og stod ikkje på val. Marita Staurland vart vald inn i styret for 4 år, mens Johannes Brekke vart vald til vara. Jostein Moldsvor er Framnes sin representant, med Eimund Solsvik som vara. Kl. 11 var det møte med tale av Øystein Ådland (som var lærar i mange år i folkehøgskuletida), mens Linn Borgny, Vigdis og Ole Henrik song/spela igjen. Etter festen var det sal av pølser og brus ute på plassen, og kvelden vart avslutta med bål på Verdens ende. Dvs.: Eg trur at kvelden vart avslutta med mange gode samtalar utover natta.

Takk for eit flott elevstemne! Det var kjekt å sjå dykk igjen her på Framnes!

Beste helsing Jostein Moldsvor

Sjå fleire foto HER!
HER finn du gruppefoto av kulla som du kan lasta ned!
028avslutningsfest2015
Ufatteleg kor tida går. Laurdag var det avslutningsfest for tredjeklassingane. Ein flott og livsfrisk gjeng stilte opp i sin finaste stas, saman med stolte foreldre og eit personale som ville ynskja dei alt mogeleg godt i framtida. Kjøkkenet serverte festmat til over 280 middagsgjester og festen baud på flott festtale, god musikk, misjonsprosjektoverrekking og fine helsingar.
Og rosina i pølsa: Leiarane for Misjonsprosjektet 2014-2015, Lena Bognøy Kleivdal og Jan Håkon Reinemo, overleverte nær 1,3 millionar kroner til Normisjon sitt prosjekt Like mye verdt. Regionleiar i Normisjon Hordaland, Bjørn Malvin Hisdal, tok mot pengane – og kvitterte med ei hjartevam helsing til russen. Han var mektig imponert over innsatsen til elevane.
Lukke til vidare kjære tredjeklassingar, og takk for fine år!

På biletet ser me misjonsprosjektleiarane Lena Bognøy Kleivdal og Jan Håkon Reinemo, og regionleiaren for Normisjon Hordaland, Bjørn Malvin Hisdal, rett etter avslutningsfesten.
(det finst fleire foto på Framnes KVGS si offisielle Facebook-side)

Tekst og foto: Lars A. Oma
misjonsprosjektleiarar
Her er dei to leiarane for det nye misjonsprosjektet på Framnes: Ingrid Birkeli og Lars R. Midtgård Matre. Andreklasseelevane på Framnes har valt organisasjonen Mercy Ships som samarbeidspartnar for misjonsprosjektet 2015 – 2016, og dei har valt Lars som leiar og Ingrid som nestleiar.
– Det er veldig kjekt å bli valt til denne oppgåva. Me skal gjera vårt for at dette skal verta eit godt fellesprosjekt der alle er inkludert, seier Lars.
Ingrid er samd.
– Det er mykje ansvar med ei slik oppgåve, men me skal gjera vårt beste, seier ho.
Ryktene fortel at den kreative gjengen tek sikte på å selja lodd i sommarferien... Ikkje dårleg!
Me ynskjer Lars og Ingrid, og resten av andreklassen lukke til når hausten kjem!

Tekst og foto: Lars A. Oma
009tour_des_fjords_mathias
Elevane frå Framnes lèt ikkje sjansen gå frå seg då Tour des Fjords-sirkuset passerte Vikøy onsdag ettermiddag. Grilling, ansiktsmaling, mykje show og moro skapte entusiasme og glød for det store arrangementet. Bileta fortel det meste!
Og ikkje minst, mange elevar frå Framnes deltok som vakter under arrangementet i Kvam. Det var mellom anna mange avkøyringar og vegkryss som måtte vaktast.

SJÅ FLEIRE FOTO HER:
drange
Andreklasseelevane på Framnes har valt organisasjonen Mercy Ships som samarbeidspartnar for misjonsprosjektet 2015 – 2016. Det er berre fire år sidan sist denne organisasjonen fekk vera mottakar av misjonsprosjektet til russen.
Representantar for sju organisasjonar presenterte prosjekta sine for andreklassingane i går.
Håvard Drange, som sjølv var russ og leiar for misjonsprosjeket (saman med Kristin Eskeland) sist Mercy Ships var samarbeidspartnar, var tilbake og presenterte organisasjonen.
Forutan Mercy Ships, fekk elevane læra meir om aktuelle prosjekt i Åpne Dører, KRIK/Strømmestiftelsen, Evangelisk Orientmisjon, North-South Partnership Aid, Norea Mediemisjon og Stefanus-Alliansen.
Mercy Ships trekte til slutt det lengste strået, med over 50 prosent av stemmene i ”finalerunden”.
Neste års russ skal samla inn pengar til medisinsk utstyr og medisinar til hospitalskipa.

bsseaksjon_1

Framnesrussen er stadig vekk på farten. Her ser me representantar for årets russekull på Torgalmenningen i Bergen 16. mai, i full gang med vaffelsteiking og bøsseaksjon for årets misjonsprosjekt, "Like mye verdt". Heia russen, som har passert 1,2 millionar kroner i innsamla midlar til eit viktig prosjekt!

Foto: Arne Bjarte Lid

bsseaksjon_2

bsseaksjon_3

bsseaksjon_4

Frankfurt_Main_Tower1

Reisebrev frå Darmstadt 12. - 19. april

Byen Darmstadt ligg i Hessen, eit av dei 16 bundeslanda i Tyskland. I ei veke har femten elevar frå vg2 saman med to lærarar vore på utveksling dit. Framnes har ein venskapsskule der som heiter Sabine Ball-Schule. Denne skulen er ein kristen privatskule med omlag 450 elevar frå 1. klasse til og med vidaregåande. Framnes-elevane fekk bu privat hos vertselevar, noko som har gjort at dei har fått sett og møtt tysk kultur og tyske vanar på nært hald.

  Dagleg har me hatt utflukter og aktivitetar. Allereie måndag morgon fekk elevane oppleve Frankfurt, Tysklands «skyline». Frankfurt er også kjend som bank- og finansby! Der besøkte me Main Tower, Goethe-Haus, rådhusplassen og Römer. I tillegg til shopping, sjølvsagt! Handlegata «Zeil» i Frankfurt har har tilbod i alle prisklassar. Tysdag stod sjølve Darmstadt for tur. Her blei me mottekne på rådhuset før me la ut på ei vandring frå sentrum i byen og opp på Mathildenhöhe. Frå «Hochzeitsturm» (også kalla «Fünffingerturm») har ein ei fantastisk utsikt over byen. Mange bygningar på Mathildenhöhe er arkitektonisk  prega av jugendstil.

På onsdag gjekk turen til Heidelberg, ein gammal universitetsby med rik historie både med hertugar og fyrstar. Byen er svært ulik Frankfurt, noko elevane også merka seg. På torsdag fekk me oppleva Wiesbaden, der den hessiske «Landtag» har sitt sete. Frå gammalt av er byen kjend for dei varme kjeldene sine. Fredag var det duka for litt meir «fysisk» aktivitet med turen til «Felsenmeer» i Lauertal i Odenwald. Å gå oppover på desse svære steinane er ei oppleving. Dagen blei avslutta i hagen til ein av vertsfamiliane der foreldra hadde stelt i stand grillparty for oss!

Turen har vore både morosam og lærerik – varm og vårleg frå start til slutt! Takk til elevar og lærarar på Sabine Ball-Schule for ei flott veke og stor gjestfridom!

Tekst: Ingvill Sørheim

«Ein Geschmack von Norwegen“  - «die Darmstädter» på Framnes-besøk

Onsdag 29. april henta me 17 elevar og tre vaksne på Flesland. På veg tilbake til Framnes fekk me omvising på Troldhaugen i bustaden til Edvard Grieg. Allereie torsdag tok me turen tilbake til Bergen for å lære meir om tysk-norske forbindingar på Det Hanseatiske Museum, nyte utsikta frå Fløyen og trekkje inn frisk lukt frå Fisketorget. Derifrå reiste mange av dei tyske elevane heim med dei norske vertselevane sine til ei langhelg ulike stader i Hordaland. Dei vaksne fekk oppleve både gå- og sykkelturar i vakre Hardanger, alt frå Steinsdalsfossen og Bjørke til Herand og Bondhusdalen. Menyen har bestått av reker og laks, rømmegraut og spekemat, lefser og flatbrød.

Måndag venta opplevingar i Eidfjord. Mellom snøkledde fjell og djupe fjordar fekk me læra om Noregs neststørste produsent av vasskraft, Sima kraftverk, og om naturen og dyre- og fuglelivet på Hardangervidda! Veka blei avslutta med kanopadling og bading på Framnes på dagen og med «Bunter Abend» på kvelden med typisk norsk mat, konkurransar og minnerike bilete frå begge utvekslingane.

Ut frå tilbakemeldingane og tårene som rann onsdag føremiddag har det vore ei fin veke med mange opplevingar og gode minne. Nokre kjem til å sakne kvarandre litt ekstra…

Tekst og bilete: Ingvill Sørheim

Besk_pa_Flyen1

Strandvegen 



001_russerebus

Framnesrussen har grunn til å feira, og tredjeklassingane er kreative som få! Her ser de glimt frå måndagens rebusløp, der ein av postane utfordra deltakarane til å laga det beste og mest kreative lagbiletet. Trioen Arne Bjarte Lid, Ruben Fjell og Thomas Straumstein stakk av med sigeren. Lid stod på hendene i fjorden, med Fjell og Straumstein som gode støtter! Gratulerer!
Som de ser er det også mange andre gode løysingar...

Sjå fleire foto HER!

Tekst: Lars A. Oma, foto: Sverre Lindøy